काठमाण्डौ । तनहूँका राजेन्द्रकेशरी न्यौपाने नेकपा माओवादी केन्द्रको केन्द्रिय सदस्य मनोनित हुनुभएको छ । गत पुसमा भएको ८ औं महाधिवेशनमा नेतृत्व चयन गरेको नेकपा माओवादी केन्द्रले तेस्रो केन्द्रीय समिति बैठकमा न्यौपानेलाई केन्द्रिय सदस्य बनाएको हो । लामो समय देखि माओवादी आन्दोलनमा सक्रिय रहनुभएका न्यौपाने व्यास नगरपालिका वडा नं. ५को बासिन्दा हुनुहुन्छ भने उहाँ नेकपा माओवादी केन्द्र जिल्ला समन्वय समितिको संयोजक पनि हुनुहुन्छ ।
