डिल्लीराम खनालविरुद्ध करिश्माले दिइन् साइबर ब्युरोमा निवेदन

  • ख-
  • ख+

अभिनेत्री करिश्मा मानन्धरले सामाजिक सञ्जालमार्फत आफ्नो मानहानी हुने अभिव्यक्ति दिएको भन्दै युट्युबका भाइरलम्यान डिल्लीराम खनालविरुद्ध उजुरी दिएकी छन् । उनले नेपाल प्रहरीको साइबर ब्युरोमा हिजो उजुरी दिएको बताइन् ।

खनालले एउटा अन्तर्वार्तामा नायिका मानन्धरलाई राष्ट्रिय स्वतन्त्र पार्टीका सभापति रवि लामिछानेसित जोडेर विवादास्पद अभिव्यक्ति दिएका थिए । सामाजिक सञ्जालमा करिश्माले अति भएपछि आफूले साइबर ब्युरोमा निवेदन दिएको जानकारी दिएकी छन् ।

‘उहाँ को हो ? यो अत्ति भयो । कलाकारलाई यस्तै भन्छन् भनेर सहें । हिजो साइबर ब्युरोमा निवेदन हालेको छु । हेरौं नेपालको कानून कत्तिको बलियो रहेछ’, करिश्माले लेखेकी छन् ।

आफू हिन्दू भएको र लिभिङ टुगेदरमा विश्वास नै नगर्ने पनि उनले उल्लेख गरेकी छन् ।

‘म मेरो संसारमा खुशी छु’, उनले भनेकी छन् । (नेपाल प्रेस)

कुनै सल्लाह, सुझाव वा प्रतिकृयाको लागि sarbajoti.news@gmail.com मा इमेल पठाउन सक्नुहुन्छ ।
प्रतिक्रिया दिनुहोस्