तनहूँ । तनहुँकाे देवघाट गाउँपालिका वडा नंं ५ स्थित दुवै सडक किनारमा रु १० लाख खर्च गरि गरिएको वृक्षारोपणको बारेमा प्रश्न उठेपछि डिभिजन वन कार्यालय तनहूँबाट उक्त बिषयमा छानविन तथा अनुगमनको लागि कर्मचारी खटाइएको छ ।
उक्त वृक्षारोपण देवघाट गाउँपालिकाको सिफारिस र गाउँपालिकाको प्राविधिककाे लागत ईष्टमेटमा गरिएको हुनाले वन डिभिजन कार्यालयः तनहुँको कुनै प्रत्यक्ष संलग्नता नरहेको बताइएको छ ।
गाउँपालिकाको सिफारिस र सव डिभिजन वन कार्यालय देवघाटको स्विकृति पश्चात कार्यालयबाट रकम निकासा गरिएकोले त्यसको जवाफदेहि स्थानीय निकाय हुनुपर्ने डिभिजन वन कार्यालय तनहूँका प्रमूख कोमल राज काफ्लेले बताउनुभएको छ ।
१० लाख रुपैयाको लागतमा उक्त स्थानमा सडकको दुवै छेउमा ४८५ विरुवा रोपिएको र ती विरुवाहरुको संरक्षणको लागि ट्रि गार्ड समेत राखिएको छ ।
