कांग्रेस अधिवेशनका लागि तीन दिन विद्यालय बन्द गर्न मेयरको पत्र

  • ख-
  • ख+

नेपाली कांग्रेसको अधिवेशनका लागि चार विद्यालय तीन दिन बिदा गर्न बैतडीको दशरथचन्द नगरपालिकाले विद्यालयहरुलाई पत्र पठाएको छ।

बुधबार मेयर नरेन्द्र सिंह थापाले वीरेन्द्र मावि, दशरथचन्द्र मावि, जगदम्बा मावि र दशरथचन्द्र आधारभूत विद्यालयलाई पत्राचार गर्दै मंसिर ५ देखि ७ गतेसम्म बिदा दिन आग्रह गरेका छन्।

विद्यालयलाई पत्र पठाएर मेयरले त्यो जानकारी कांग्रेस जिल्ला कार्यसमिति बैतडीलाई पनि बोदार्थ दिएका छन्।

कांग्रेसको १४ औं अधिवेशन सम्पन्न गर्न विद्यालय भवन र फर्निचरलगायत आवश्यक भएकोले सहयोगका लागि लेखेर आएको हुँदा मंसिर ५ देखि ७ सम्म विद्यालयमा स्थानीय बिदा दिन मेयरले आग्रह गर्दै पत्र पठाएका हुन्।

यसबारे बुझ्न खोज्दा मेयर थापाको फोन अफ छ।

उपमेयर मिना चन्द र प्रशासकीय अधिकृत गणेश सिंह ऐरी पनि सम्पर्कमा आएनन्। (सेतोपाटी)

कुनै सल्लाह, सुझाव वा प्रतिकृयाको लागि sarbajoti.news@gmail.com मा इमेल पठाउन सक्नुहुन्छ ।
प्रतिक्रिया दिनुहोस्

छुटाउनुभयो कि ?