राष्ट्रिय स्वतन्त्र पार्टीले विपदमा खटिन द्रुत एक्सन टोली (रेपिड एक्सन टिम) बनाएको छ।
रास्वपाले आइतबार सामाजिक कार्यमा केन्द्रित रहने उद्धार, खोज र राहतमा खटिने गरी प्रदीप तिमल्सेनाको नेतृत्वमा द्रुत समूह बनाएको हो।
केन्द्रीय द्रुत कार्य समूहमातहत रहने तथा ७ देखि ३३ जना पार्टी सदस्य खटिनेगरी समूह बनाइएको ढकालले बताएका छन्।
केन्द्रीय द्रुत कार्य विभागमा विष्णुपुकार श्रेष्ठ छन्। उनले नै प्रमाणीकरण गर्नुपर्ने गरी कार्यविधि तय गरिएको छ।
यस्तो समूह प्रदेश र स्थानीय तहमा बनाउन सक्ने रास्वपाले बताएको छ।
केन्द्रमा तिमल्सेना संयोजक चयन भएका छन्। त्यस्तै उपसंयोजकमा प्रेम थापा, सचिवमा फणिन्द्र पौडेल र कोषाध्यक्ष कृष्णबहादुर थापा रहेका छन्। त्यस्तै सदस्यहरूमा शेरबहादुर सिंह, सुरज खड्का, रामकृष्ण श्रेष्ठ, दिपा केसी बास्तोला, महमद हुसेन खान, रवि भुजेल, मिलनचन्द्र महत, चिरञ्जिवी तिमल्सिना छन्।
