दौडिएर राजा हुने इतिहासलाई जीवन्त राख्न यसपालि पनि गोरखामा लिगलिगे दौड हुने भएको छ।
कोरोना महामारीका कारण तीन वर्षदेखि रोकिएको दौड यसपालि कात्तिक १ गते गर्न लागिएको हो।
लिगलिगकोट विकास अभियानले लामो समयदेखि दौड आयोजना गर्दै आएको छ। यसपालि ११ औं संस्करणको दौड गर्न लागिएको हो।
पालुङटार नगरपालिका वडा नम्बर ५ चेपेघाटदेखि लिगलिगकोटसम्म करिब १३ किमी दौड हुने गर्छ। खुला, स्थानीय बासिन्दा र विद्यार्थीका लागि छुट्टाछुट्टै स्थानबाट दौड हुनेछ।
खुलामा स्वदेशी र विदेशी धावकले भाग लिन पाउनेछन्। पहिलो हुनेलाई एक लाख, दोस्रोलाई ५० हजार, तेस्रोलाई २५ हजार रुपैयाँ पुरस्कार दिइने पनि आयोजकले जनाएको छ।
