चितवन । चितवन राष्ट्रिय निकुञ्जको कोर क्षेत्रमा एउटा गैँडा मृत अवस्थामा फेला परेको छ ।
निकुञ्जका सूचना अधिकारी गणेशप्रसाद तिवारीका अनुसार प्राकृतिक कारणले गैँडाको मृत्यु भएको हो । निकुञ्जको खोरियामुहान पोष्ट नजिक भेल्लर घारीमा एक आपसमा जुधेर मृत्यु भएको पाइएको सूचना अधिकारी तिवारीले जानकारी दिए ।
सुरक्षाको लागि गस्ती गर्दा टोलीले फेला पारेको थियो । मृत गैँडा २५ वर्षको पोथी रहेको छ । आइतबार मरेको गैँडाको विवरण कार्यालयले बुधबार मात्रै जानकारी दिएको हो ।
चालू आर्थिक वर्षमा विभिन्न कारणबाट मर्ने एक सिंगे गैँडाको संख्या ५ वटा पुगेको कार्यालयका सूचना अधिकारी तिवारीले दिए ।
साभार नेपाल प्रेस
