रूपन्देही । दाङको भालुवाङस्थित राप्ती पुलबाट यात्रुबहाक बस खस्दा १२ जनाको मृत्यु भएको छ ।
इलाका प्रहरी कार्यालय भालुवाङका प्रहरी निरीक्षक उज्ज्वल सिंहका अनुसार गए राति पौने १ बजेसम्म मृत्यु हुनेको संख्या १२ पुगेको हो ।
मृत्यु हुनेमा काठमाण्डौ चन्द्रगिरी नगरपालिका वडा नम्बर १५ निवासी ६५ वर्षिय ताराकान्त पाण्डे, भारत उत्तर प्रदेश अतिकुल्ला खैरे निवासी ३१ वर्षिय मुने, जुम्ला श्रीथुस्का ९ निवासी ४० वर्षिय मुन बहादुर रावत, बाँके निवासी ३० वर्षिय रामवर्ण हरिजन, रुकुम गोतामकोट वडा नम्बर ९ निवासी दीपक कामी, भारत विहार अरेराज पुर्वी चम्पारण निवासी ६७ वर्षिय योगेन्द्र राम ९जोगेन्द्र राम टिकटमा भएको नाम० बाँके नेपालगन्ज उपमहानगरपालिका निवासी ६० वर्षिय कुसुम बस्नेत र मकवानपुर हेटौंडा निवासी ३९ वर्षिय सौरभ विष्ट रहेको जिल्ला प्रहरी कार्यालय दाङले जानकारी दिएको छ ।
अन्य चार जनाको सनाखत हुन बाँकी छ । शवलाई लमहीस्थित अस्पतालमा पठाईएको छ । २३ जनालाई उपचारका लागि बुटवल र नेपालगञ्ज रिफर गरिएको छ ।
शुक्रबार राति साढे १० बजेतिर बस पुलबाट राप्ती नदीमा खसेको थियो । नेपालगञ्जबाट काठमाडौं जाँदै गरेको भे १ ख ३९१२ नम्बरको यात्रुबहाक रात्री बस पुलबाट खसेको हो ।
नेपाल प्रहरी, सशस्त्र प्रहरी तथा स्थानीयहरु उद्दारमा खटिएका थिए । बस तीब्र गतिका कारण पुलबाट खसेको हुनसक्ने प्रहरीले अनुमान गरेको छ ।
साभारः नेपाल प्रेस
