१० चैत्र । तनहुँ । तनहुँमा पर्यटक बस दुर्घटना हुँदा ६ जना जना चिनिया नागरिक घाइते भएका छन्।
पोखराबाट काठमाडौं आउँदै गरेको बा १ प ११३९ नम्बरको पर्यटक बस आज बिहान साढे ६ बजे तनहुँको म्याग्दे गाउँपालिका ६ शेराटारस्थित पृथ्वी राजमार्ग सडकखण्डमा दुर्घटना हुँदा ६ जना चिनियाँ नागरिक घाइते भएको जिल्ला प्रहरी कार्यालय तनहुँका सूचना अधिकारी डिएसपी मोहनबहादुर खाणले जानकारी दिनुभएको छ ।
घाइतेहरूमा चिनियाँ नागरिकहरू ५० वर्षीया सुन ली,, ६८ वर्षीय छुचेङ, ५७ वर्षीया हुछिआओ ली ६७ वर्षीय साओ मेङ, ७० वर्षीय लियो या छिङ र ६२ वर्षीय वाङ यइ दोङ छन्।
घाईतेहरूको बेलचौताराको जिपि कोइराला श्वासप्रश्वास उपचार केन्द्रमा उपचार भइरहेको र बसका चालकलाई नियन्त्रणमा लिएर दुर्घटनाबारे थप अनुसन्धान भइरहेको डिएसपी खाणले जानकारी दिएका छन्।
तस्विरः रासस
