काठमाडौं । सशस्त्र प्रहरी बलको केन्द्रीय स्टोरमा आगलागी भएको छ ।
बलम्बुमा रहेको स्टोरमा आगलागी हुँदा बन्दोबस्तीका सामान जलेका छन् । एपीएफ अस्पतालसँगै रहेको उक्त स्टोरमा सशस्त्रका लत्ताकपडा लगायत आवश्यक बन्दोबस्तीका सामान राखिएका हुन्छन् ।
अहिले आगो निभाउने प्रयास भइरहेको प्रहरीले जनाएको छ ।
आगलागीको कारण र क्षति विवरण आइनसकेको एपीएफका प्रवक्ता एसएसपी राजेन्द्र खड्काले बताए ।
नेपाल प्रेस