पोखरा । अन्तर्राष्ट्रिय जेष्ठ नागरिक दिवसको अवसरमा पोखरा सम्मान कार्यक्रमको आयोजना गरिएको छ । मंगलबार आयोजित सो कार्यक्रममा विभिन्न व्यक्तिहरुलाई सम्मान गरिएको थियो ।
जेष्ठ नागरिक कल्याणकारी संस्था पोखरा १३ आर्वाले सो कार्यक्रम आयोजना गरेको हो । कार्यक्रममा ५ जना जेष्ठ नागरिकहरुलाई सम्मान गरिएको बताइएको छ ।
पोखरा महानगर पालिका वडा नं १३ का जन प्रतिनिधि सुचित तामाङले उनीहरुलाई सम्मान गरेका हुन् । सम्मानित हुने जेष्ठ नागरिकहरुमा रुद्रनाथ बराल, सुभद्रा बराल, धर्म माया बराल, कृष्ण कलि बराल र खेमलाल सुनार रहेका छन् ।
संस्थाका अध्यक्ष बलराम सिग्देलको अध्यक्षतामा आयोजित कार्यक्रममा वडाका ६० जना जेष्ठ नागरिकहरुको सहभागिता रहेको थियो ।
