काठमाण्डौ । राष्ट्रिय स्वतन्त्र पार्टी (रास्वपा) ले तनहुँका सांसद र ईन्जिनियरलाई गहन जिम्मेवारी दिएको छ ।
रास्वपाले तनहुँ क्षेत्र नं. १ का सांसद एवं पार्टी उपसभापति डा. स्वर्णिम वाग्लेलाई नीति तथा विचार विभाग प्रमुखको जिम्मेवारी दिएको छ ।
त्यसैगरि भानु नगरपालिका वडा नं ५ ओकलागंमा जन्मेका ईन्जिनियर श्रीराम न्यौपानेलाई पार्टीको ऊर्जा तथा जलस्रोत विभाग संयोजकको जिम्मेवारी दिएको हो ।
बुधबार बसेको पार्टी सचिवालय बैठकले केन्द्रीय विभागमा जिम्मेवारी हेरफेर गर्ने क्रममा नीति तथा विचार विभागको उपप्रमुखमा सांसद सन्तोष परियारलाई तोकेको छ ।
त्यस्तै कृषि विभाग प्रमुखको जिम्मेवारी चितवनका राजन गौतमलाई दिइएको रास्वपाका कार्यवाहक प्रवक्ता मनिष झाले जानकारी दिएका छन्।
