ज्ञानेन्द्र शाहको अवस्था सामान्य र स्थिर
रमेश पौडेल । काठमाडौं । कोरोना भाइरस ( कोभिड १९) बाट संक्रमित पूर्वरानी कोमल शाहलाई आइसियूमा राखेर उपचार गर्न थालिएको छ । वहाँको शरिरमा अक्सिजनको मात्रा कम देखिएपछि आइसियूमा सारिएको हो ।
‘उहाँ (कोमल)मा श्वासप्रश्वासको समस्या देखिएको र अक्सिजनको समेत कमी देखिएपछि आइसियूमा सारिएको रअहिले उहाँलाई हाई फ्लो अक्सिजनको सपोर्टमा राखिएको छ । बाँकी स्वास्थ्य समस्या देखिएको छैन,’ नर्भिक अस्पतालद्धारा जारी विज्ञप्तिमा भनिएको छ ।
भारत भ्रमणबाट नेपाल फर्कनुभएका पूर्वराजा ज्ञानेन्द्र शाह, उनकी पत्नी कोमल र छोरी प्रेरणा कोरोना संक्रमण पुष्टि भएपछि उपचार थापाथलीस्थित नर्भिक अस्पतालमा भर्ना हुनुभएको थियो ।
अस्पतालका अनुसार पूर्वराजा ज्ञानेन्द्र शाहको अवस्था भने सामान्य र स्थिर छ र अक्सिजनकै सामान्य सपोर्टमा बसिरहनुभएको छ । वहाँकी छोरी पूर्व अधिराजकुमारी प्रेरणालाई भने अक्सिजन दिनु नपरेको अस्पतालले जनाएको छ ।
