तनहूँ । पोखरामा उपचाररत तनहूँ जिल्ला भिमाद नगरपािलका वडा नं. ५ की २२ बर्षिय महिलाको कोरोनाको कारण मृत्यु भएको छ । गत बैशाष २८ गते कोरोना संक्रमण देखिए पश्चात उहाँ उपचाररत हुनुहुन्थ्यो ।
त्यसैगरि पोखरामा विभिन्न अस्पतालमा उपचाररत १३ जना कोरोना संक्रमितसहित गण्डकी प्रदेशमा थप १४ जनाको मृत्यु भएको छ । प्रदेशका विभिन्न जिल्लाका पोखरामा उपचाररत कोरोना संक्रमितको पछिल्लो २४ घण्टामा उपचारकै क्रममा मृत्यु भएको प्रदेश स्वास्थ्य निर्देशनालयले जनाएको छ ।
निर्देशनालयका अनुसार कोरोनाबाट मृत्यु हुनेहरु कास्कीका ६ जना, पर्वतका ३ जना, स्याङजाका २ जना, तनहुँका १ जना, म्याग्दी १ जना र गोरखा जिल्लाका १ जना रहेका छन् । योसँगै प्रदेशभर कोरोनाबाट मृत्यु हुनेको संख्या ३ सय ५५ पुगेको छ ।
