काठमाडौं । नेपाली कांग्रेसका बाग्मती प्रदेशसभा सदस्य नरोत्तम वैद्यले हिजो दिएको अभिव्यक्तिको नेकपा एमालेले भर्त्सना गरेको छ ।
वैद्यको अभिव्यक्ति आपराधिक भन्दै पार्टीले यसमा फौजदारी कानूनसमेत आकर्षित हुने उल्लेख गरेको छ ।
पार्टी प्रवक्ता प्रदीप ज्ञवालीले आज विज्ञप्ति जारी गर्दै प्रधानमन्त्री ओलीको हत्या गर्न दिएको धम्कीलाई एमालेले अत्यन्त गम्भिररुपमा लिएको उल्लेख गर्नुभएको छ।
उहाँले जारी गरेको विज्ञप्तिमा भनिएको छ, ‘प्रधानमन्त्रीको हत्याका लागि अरुलाई समेत दुरुत्साहन गर्ने र आवश्यक परे आफै पनि हत्याका लागि तयार रहेको निजको अभिव्यक्ति आपराधिक, अत्यन्त आपत्तिजनक र निन्दनीय छ । उक्त अभिव्यक्तिको घोर भत्र्सना गर्दै हाम्रो पार्टी यो विषय मुलुकको फौजदारी कानुन समेत आकर्षित हुने विषय हो भन्ने ठान्दछ ।’
ज्ञवालीले यस विषयमा सम्बद्ध राजनीतिक दलको समेत गम्भीर ध्यानाकर्षण गराउनुभएको छ । नेपाली कांग्रेसबाट वाग्मती प्रदेश सभा सांसद नरोत्तम वैद्यले महात्मा गान्धी नाथुराम गोड्ुेले हत्या गरे झै केपी ओलीको पनि हत्या गर्नुपर्ने अरु कसैले नगरे आफु त्यसको लागि तयार रहेको कुरा प्रदेश सभामा बोल्नुभएको थियो ।
