धनुषा । जिल्ला प्रहरी कार्यालय धनुषाको हिरासत कक्षमा आज विहान एक थुनुवाले आत्महत्या गरेका छन् ।
धनुषा प्रहरी प्रवक्ता डिएसपी मकेन्द्र मिश्रका अनुसार लक्ष्मीनियाँ गाउँपालिका घर भएका थुनुवा पल्टु रबिदासले आत्महत्या गरेका हुन् । उनी कुटपिट अंगभंग मुद्दामा पक्राउ परेका थिए ।
थुनुवा रबिदासले आफूले लगाउने गञ्जी च्यातेर पासो बनाई भेन्टिलेशनमा झुण्डिएको डिएसपी मिश्रले जानकारी दिए । उनले घटना विषयमा थप अनुसन्धान भइरहेको बताए । (नेपाल प्रेस)
