काठमाडौं । काठमाडौंको बल्खुमा ट्रकले ठक्कर दिँदा स्कुटर चालकको मृत्यु भएको छ ।
मृत्यु हुनेमा स्कुटर चालक भूपति पाण्डे रहेका जिल्ला प्रहरी परिसर काठमाडौंका सहप्रवक्ता एवम् डीएसपी निरञ्जन भट्टले जानकारी दिए । मृतक ३८ वर्षीय पाण्डे अध्यागमन अधिकृत हुन् ।
सानेपाबाट कलंकीतिर जाँदै गरेको बागमती प्रदेश–०३–००१ ख १७१५ नम्बरको ट्रकले ९८३५ नम्बरको स्कुटरलाई ठक्कर दिएको थियो ।
ठक्करबाट घाइते भएका पाण्डेको वयोधा अस्पतालमा मृत्यु भएको भट्टले बताए । ट्रक चालक अर्जुन ढुंगानालाई प्रहरीले पक्राउ गरेको छ । (अनलाईन खबर)
