(सुशील देवकोटा)
देश टुक्र्याउन खोज्नेहरु धेरै भए
अब हामीलाई देश बचाउनेहरु चाहिएको छ ,
मन्डेला र ली क्वान खोजौंला पछि
अहिले १७ सालको निर्णय चाहिएको छ ।
झुठो आश्वासनहरु धेरै बाँडिए
अब हामीलाई यथार्थ चाहिएको छ,
पशुपतिनाथलाई गुहारौंला पछि
अहिले सुन्दरीजलको जेल चाहिएको छ ।।
युग परिवर्तनशील छ
हामीलाई परिवर्तन चाहिएको छ ,
बुद्धलाई ब्युझाउँला फेरि पछि
अहिले एउटा जङ्ग बहादुर चाहिएको छ ।।।
(कलाकार दिपकराज गिरीसग कवि तथा कलाकार शुसिल देवकोटा)