काठमाण्डौ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा कोरोनाभाइरसबाट संक्रमित हुने व्यक्तिकोसंख्या घटेको छ । त्यो सगै निको हुनेको सख्या पनि बढेको छ ।
मन्त्रालयका अनुसार पछिल्लो २४ घण्टामा मुलुकमा ६ हजार ७ सय १४ संक्रमितहरु थपिनुभएको छ भने सोही अवधिमा ६ हजार ७ सय १६ जना डिस्चार्ज हुनुभएको छ ।
पछिल्लो २४ घण्टामा १९ हजार ३० पीसीआर र ३२२ वटा एन्टीजेन नमुना परीक्षण गर्दा ती संक्रमित थपिनुभएको छ । काठमाण्डौ उपत्यकामा १ हजार ४ सय ९३ जनामा संक्रमण पुष्टि भएको छ ।
काठमाडौं जिल्लामा १ हजार १ सय ३९, ललितपुरमा २ सय ४१ र भक्तपुरमा १ सय १३ जना संक्रमित पुष्टि भएको छ।
मुलुकमा कूल संक्रमित संख्या १ लाख १७ हजार ७७ पुगेको छ ।
पछिल्लो समयमा निको हुने दर ७६. ९ प्रतिशत पुगेको छ ।
पछिल्लो २४ घण्टामा १ सय ४५ जनाको मृत्यु पुष्टि भएको पनि स्वास्थ्य तथा जनसंख्या मन्त्रालयले जनाएको छ ।
