पोखरा महानगरपालिकाका मेयर मानबहादुर जिसीलाई थप उपचारका लागि काठमाण्डौं लगिएको छ । मेयर जिसीलाई हेलिकप्टरबाट काठमाडौस्थित न्यूरो अस्पताल लगिएको हो ।
आज बिहान चार बजेतिर उच्च रक्तचापका कारण मस्तिष्कघात भएको भएको पश्चात उहाँलाई पोखरास्थित मणिपाल शिक्षण अस्पतालमा उपचारका लागि भर्ना गरिएको थियो ।
स्वास्थ्यकर्मीका अनुसार मेयर जिसीको अवस्था खतरामुक्त छ । सामान्य बोलचाल गर्न सक्ने भएपनि ह्रदयाघातका कारण एक नशा ब्लक भएको बताइएको छ ।
