काठमाडौ । अहिले नेपालमा पश्चिमी वायुको प्रभावका साथै देशको पूर्वी भाग नजिक रहेको न्यून चापीय क्षेत्रको आंशिक असर देखिएको छ।
मौसम पूर्वानुमान महाशाखाले दिएको जानकारीअनुसार बागमती, गण्डकी र कोशी प्रदेशका पहाडी तथा हिमाली क्षेत्रमा सामान्य बदली भएको छ । अन्य प्रदेशका पहाडी तथा हिमाली क्षेत्रमा आंशिक बदली रहेको छ।
आज दिउँसो कोशी र सुदूरपश्चिम प्रदेशसहित देशका पहाडी तथा हिमाली क्षेत्रमा सामान्य बदली रहने र अन्य स्थानमा आंशिक बदली रहने अनुमान गरिएको छ।
त्यस्तै कोशी, बागमती, गण्डकी र लुम्बिनी प्रदेशका पहाडी तथा हिमाली क्षेत्रका केही स्थानमा चट्याङ्गसहित मध्यम वर्षा र हिमपात हुने सम्भावना रहेको महाशाखाले जनाएको छ।
आज राति पनि हिमाली क्षेत्रमा सामान्य बदली रहने तथा केही स्थानमा चट्याङ्गसहित मध्यम वर्षा र हिमपात हुन सक्ने पूर्वानुमान गरिएको छ।
