तनहूँ । व्यास नगरपालिका वडा नं. १० दुम्सिकोटको राम्चे खानेपानी सरसफाई तथा उपभोक्ता समितिको अध्यक्षमा युवा समाजसेवी उद्धव जि.सीं चयन हुनुभएको छ । समितिका अध्यक्ष जित बहादुर सिजालिको अध्यक्षतामा भएको राम्चे खानेपानी तथा सरसफाइ उपभोक्ता समितिको २१ औं साधारणसभा तथा पाँचौं अधिवेशनले जि.सी.लाई अध्यक्ष चयन गरेको हो । समितिको उपाध्यक्षमा बालकृष्ण बि.क., सचिव रमेश गिरी, कोषाध्यक्ष बेलु कुवर लगायतका ११ सदस्यिय समिति बनाईएको छ । व्यास १०का वडा अध्यक्ष तुलसीराम सापकोटाको प्रमुख आतिथ्यतामा भएको कार्यक्रममा वडा सदस्य पतिमाया दरै , नेपाली काङ्रगेस व्यास नगर सचिव खेम राज पोखरेल, नेकपा एमाले व्यास १० अध्यक्ष मदन तिमल्सेना, काङ्रगेस व्यास १० सभापति प्रेमराज मिश्र लगायतका अतिथिहरुको सहभागिता रहेको थियो ।
अध्यक्ष चयन पश्चात नवनिर्वाचित अध्यक्ष जि.सी.ले आफु सदा उपभोक्ताहरुको हितको लागि काम गर्ने प्रतिवद्धता जनाउनुभएको थियो ।
