जनकपुरधाम । सर्लाहीको मलंगवा नगरपालिका ११ गम्हरियामा सोमवार राति भएको सवारी दुर्घटनामा घाइतेमध्ये एक जनाको मृत्यु भएको छ ।
मृत्यु हुनेमा ६० वर्षीय विनोद घिमिरे छन् । नापी कार्यालय सर्लाहीमा कार्यालय सहयोगी घिमिरेको उपचारको क्रममा वीरगन्जमा मृत्यु भएको सर्लाही प्रहरीका प्रवक्ता डिएसपी दीपेन्द्र पन्जियार थारुले जानकारी दिए ।
उनका अनुसार सोमबार राति ज २ त १०६७ नम्बरको उखु लोड गरिएको ट्र्याक्टर र बी.आ. ०६ पी.डी. ९६४८ नम्बरको सफारी आपसमा ठोक्किँदा दुर्घटना भएको थियो । सफारीमा नापी कार्यालयका कर्मचारीहरू सबार थिए ।
दुर्घटनामा नापी प्रमुख काभ्रेका सञ्जय मानन्धरसहित ११ जना घाइते भएका थिए । १० जना घाइते अहिले उपचाररत रहेको डिएसपी थारुले बताए ।
नेपाल प्रेस
