१९ फागुन । तनहुँ । दमौली संगम क्लवको वार्षिक साधारणसभा मानुङकोट रिर्सोटमा सम्पन्न भएको छ । उक्त साधारण सभाको व्यास नगरपालिका वडा नं. ५ का अध्यक्ष विष्णुकुमार श्रेष्ठ हिमालले उद्घाटन गर्नुभएको हो ।
क्लवका संरक्षक एवं अध्यक्ष नरेन्द्रराज वाग्लेको अध्यक्षतामा सम्पन्न सो कार्यक्रममा क्लवका संरक्षक ९२ बर्षिय जेष्ठ नागरिक मेखबहादुर गुरुङ, ऋषिङ गाउँपालिका वडा नम्बर ५ का वडा अध्यक्ष बुद्धिमान राना मगर, समाजसेवी हरिराज कंडेल, चन्द्रज्योती मा. वि. घिरिंङका निमित्त प्र. अ. जनक सिग्देल, सिद्धार्थ मा. वि. भिमाद शि. अ. संघका अध्यक्ष दामोदर लम्साल, राधा मावि जामुनेका वि. व्य. स. अधयक्ष छविलाल श्रेष्ठ लगायतले शुभकामना मन्तव्य राखेका थिए ।
सो कार्यक्रममा क्लवका संरक्षक ९२ बर्षिय जेष्ठ नागरिक मेखबहादुर गुरुङ, क्लवका जेष्ठ सदस्यद्वय थायीमाया महत र निलबहादुर आलेलाई पनि दोसल्ला ओढाएर तथा मायाको चिनो प्रदान गरि सम्मान गरिएको थियो ।
सो कार्यक्रमको सन्चालन क्लवकी सचिव गिता हमालले गर्दै क्लवको वार्षिक प्रतिबेदन, प्रगति विवरण प्रस्तुत गरेकी थिईन् । साथै कोषाध्यक्ष विष्णुमाया खत्रीले गत दुई आर्थिक वर्षको आर्थिक प्रतिबेदन तथा चालु आर्थिक वर्षको हालसम्को आम्दानी खर्च विवरण पनि प्रस्तुत गरेकी थिइन् ।
कार्यक्रममा क्लवका संरक्षक तथा अध्यक्ष वाग्लेले भावी कार्यक्रम र कार्यदिशा प्रस्तुत गरेका थिए । अध्यक्ष वाग्लेद्वारा प्रस्तुत भावी कार्यक्रममा जिल्लाका १० वटै पालिकामा दमौली संगम क्लवको पालिका स्तरीय कमिटि विस्तार गरिने रहेको छ । पालिका स्तरको शाखामा ३० बर्ष उमेर मुनीका युवाहरुलाई मात्र क्लवको सदस्य बनाईने योजना रहेको छ । त्यसैगरि प्रावि स्तर सामुदायिक विद्यालयमा पनि अक्षयकोष स्थापना गरिने तथा जेष्ठ नागरिक अक्षयकोष पनि स्थापना गरिने भावि कार्यक्रमहरु रहेको सचिव हमालले बताईन् ।
साथै दमौली संगम क्लव स्मारिका पनि स्थापना गरिने भएको छ । दमौली संगम क्लवले हाल जिल्लाका १० वटै पालिकाका १७ वटा सामुदायिक विद्यालयमा जनही एक लाख ५ हजार रुपैयाँको अक्षयकोष स्थापना गरि छात्रबृत्ति वितरण गर्दै आएको छ । सो साधारणसभामा उक्त १७ वटै विद्यालयको प्रअ, शिअसंघका अध्यक्ष तथा विव्यस अध्यक्षहरुको पनि उपस्थिती रहेको थियो ।
साभारः देवघाट अनलाईन
