राप्रपाका निर्वाचित केन्द्रीय सदस्य किशोर कार्कीद्वारा पार्टी परित्याग

काठमाडौं । राष्ट्रिय प्रजातन्त्र पार्टीका केन्द्रीय सदस्य किशोर कार्कीले साधारण सदस्य समेत नरहने गरी पार्टी परित्याग गरेका छन् ।
लामो समयदेखि राप्रपामा आबद्ध र महाधिवेशनबाट निर्वाचित केन्द्रीय सदस्य कार्कीले विहीवार प्रेस विज्ञप्ति जारी गर्दै अब स्वतन्त्र नागरिकको भूमिकामा रहने बताएका छन् ।
उनले राप्रपाले संस्थागतरुपमा लिन नसकेको,अध्यक्षले अभिभावकीय भूमिका निर्वाह नगरेको तथा गुटहरुमा विभाजित भएको पार्टीलाई सम्हाल्ने सोच नदेखाएको जस्ता आरोप लगाएका छन् । अनेक प्रयत्न गर्दा पनि पार्टीलाई सही दिशामा फर्काउन नसकेको उनको दाबी छ ।
राप्रपाको निर्वाचित केन्द्रीय सदस्य रहेका कार्की यसअघि मेश प्रदेश संयोजक,उच्चस्तरीय कार्य सम्पादन समिति सदस्य,केन्द्रीय अनुशासन समितिको सदस्य सचिवलगायतका जिम्मेवारीमा थिए ।