तनहुँ । उज्यालो नेपाल पार्टीका तनहुँ क्षेत्र नं. २ का उम्मेदवार मनराज गुरुङले राष्ट्रिय स्वतन्त्र पार्टी (रास्वपा) का उम्मेदवार इन्जिनियर श्रीराम न्यौपानेलाई समर्थन गर्दै आफ्नो उम्मेदवारी फिर्ता लिएका छन्।
गुरुङले देशमा परिवर्तन र सुशासनको एजेन्डालाई अघि बढाउन सक्षम उम्मेदवारका रूपमा न्यौपानेलाई समर्थन गरेको बताएका छन्। उनले व्यक्तिगत स्वार्थभन्दा राष्ट्र र जनताको हितलाई प्राथमिकतामा राख्दै उम्मेदवारी फिर्ता लिएको स्पष्ट पारे।
यस समर्थनपछि तनहुँ क्षेत्र नं. २ को चुनावी प्रतिस्पर्धा थप रोचक बनेको छ। इन्जिनियर न्यौपानेको उम्मेदवारीलाई विभिन्न राजनीतिक दल र स्वतन्त्र समूहबाट समेत समर्थन बढ्दै गएको देखिन्छ।
स्थानीयस्तरमा विकास, पूर्वाधार र पारदर्शी शासनको मुद्दामा न्यौपानेको सक्रियता रहेकाले उनीप्रति जनआकर्षण बढ्दै गएको राजनीतिक विश्लेषकहरूको भनाइ छ।
