तनहूँ । कास्की जिल्लाको मजुवाबाट तनहूँ दमौलीको पर्यटकिय स्थल मानहूँकोट अवलोकन गर्न आएका पर्यटकहरु चढेको ग १ ख २९४२ नम्बरको हायस माईक्रोबस बिहान साढे चार बजे ( बिहान ४ः३० बजे ) व्यास नगरपालिका वडा नं. ५ मानहूकोट नजिकै खसेर दुर्घटना हुदा १ जनाको मृत्यु भएको छ । बिहान सूर्योदयको दृश्य अवलोकन गर्न गएका पर्यटकहरु बोकेर गएको माइक्रो पिच बाटो सकिएपछि कच्ची बाटोमा अगाडि बढ्दै गर्दा व्याक भएर ६ सय मिटर तल खसेको जिल्ला ट्राफिक कार्यालय तनहूँका प्रमुख रेशम रानाभाटले बताउनुभएको छ । माईक्रोबसमा यात्रारत १४ जना मध्ये घाईते ५ जनाको दमौलीको अस्पतालमा उपचार भईरहेको छ ।
( तस्विरः सविन लामिछाने)
