पोखरा मेयर कप राष्ट्रिय खुल्ला व्याडमिन्टन प्रतियोगितामा तनहुँका कर्मचारीहरूको सहभागिता

पोखरा, ९ माघ । कास्की व्याडमिन्टन संघको आयोजनामा दोस्रो पोखरा मेयर कप राष्ट्रिय खुल्ला व्याडमिन्टन प्रतियोगिता २०८२ शुक्रबारदेखि पोखरामा सञ्चालन भएको छ। उक्त प्रतियोगितामा तनहुँ जिल्लाका म्याग्दे गाउँपालिका र व्यास नगरपालिकाका कर्मचारीहरूले सहभागिता जनाएका छन्।
म्याग्दे गाउँपालिकाबाट प्रदीप न्यौपाने–आकाश गुरुङ तथा शम्भु पौडेल–राज श्रेष्ठको टिमले प्रतियोगितामा प्रतिस्पर्धा गरिरहेको छ। त्यस्तै, व्यास नगरपालिकाबाट कुमार कञ्चन जिसी र कृष्ण घिमिरे सहभागी भएका छन्।
कर्मचारी तथा जनप्रतिनिधिसमेत गरी देशभरका खेलाडीहरूको सहभागिता रहेको यस राष्ट्रियस्तरको प्रतियोगिताको फाइनल खेल शनिबार सम्पन्न हुने आयोजकले जनाएको छ।