पोखरा । राष्ट्रिय जनमोर्चाले गण्डकी प्रदेशका आफ्ना दलका नेता कृष्ण थापालाई संसदिय दलको नेताबाट हटाएको छ । नेपाली कांग्रेसको नेतृत्वमा नयाँ सरकार गठनका लागि सहमत नहुनु भएका थापालाई संसदीय दलको नेताबाट हटाएको हो ।
उत्तः दलकी सचेतक पियारी थापाले प्रदेशसभा सदस्य थापालाई संसदीय दलको नेताबाट हटाएको आफ्नो पार्टीको निर्णय सभामुख नेत्रनाथ अधिकारीलाई जानकारी गराउनुभएको छ । नेपाली कांग्रेस, माओवादी केन्द्र र जनता समाजवादी पार्टीसँग मिलेर सरकार निर्माणमा समर्थन गर्ने निर्णयविरुद्ध कार्य गरेकाले दलको नेताबाट हटाएको पत्रमा उल्लेख छ ।
