पोखरा । सेमिफाइनलमा जावलाखेल युथ क्लबलाई १-० मा पराजित गरेको थ्रीस्टार क्लब र सेमिफाइनलमा चर्च ब्वाइजलाई २-१ ले पराजित गरेको विभागीय टिम त्रिभुवन आर्मी बिच आज पोखरामा जारी आहा रारा पोखरा गोल्डकप फाईनल खेल हुने भएको छ । आहा रारा पोखरा कपमा यसअघि २०७५ सालमा सँगै भिडेका दुवै टिम बिच दिउँसो २ बजे पोखरा रंगशालामा फाईनल खेल हुनेछ ।
आहा रारा पोखरा गोल्डकप मा इतिहासमा थ्रीस्टार ६ पटक सहभागी भई ५ पटक उपाधि जितिसकेको छ भने त्रिभुवन आर्मी क्लबको यो १५ औं सहभागिता हो । आर्मी यसअघि ४ पटक फाइनल पुगेर पनि उपविजेतामै सीमित भएको थियो ।