तनहुँ । जिल्ला क्रिकेट संघ तनहुँ ( CAN) को साधारण सभा सम्पन्न भएको छ । कार्यक्रमका प्रमुख अतिथि जिल्ला खेलकुद विकास समिति तनहुँका अध्यक्ष अनिल पाण्डेको प्रमुख आतिथ्यतामा भएको कार्यक्रममा क्रिकेट संघ केन्द्रिय सदस्य सुदिप शर्मा प्रादेशिक क्रिकेट संघ गण्डकी प्रदेशका उपाध्यक्ष प्रकाश पौडेल विशिष्ट अतिथि भएका थिए । कार्यक्रममा दमौली अस्पतालका पुर्व अध्यक्ष हरिराज कडेल, जिल्ला खेलकुद विकास समितिका तनहूँका कार्यालय प्रमुख लगाएतका महानुभावहरुको उपस्थिति रहेको थियो ।
उक्त अवसरमा साधारण सभाको उद्घाटन गर्दै प्रमुख अथिति अनिल पाण्डेले ”तनहुँमा क्रिकेटले निकै राम्रो गैरहेको र नेपालमा क्रिकेटको क्रेज निकै बढेको आफुले पाएको” बताएका थिए । सोहि अवसरमा पाण्डेले जिल्ला क्रिकेट संघ तनहुँ ले महिला खेलाडीहरु उत्पादनमा जोड दिनुपर्ने पनि बताएका थिए ।
कार्यक्रममा केन्दिय सदस्य सुदिप शर्माले क्रिकेटले विश्वमा नेपालको नाम चिनाउने काम गरेको र क्रिकेट खेल्ने खेलाडीहरुको पनि भविष्य रहेको बताएका थिए । प्रादेशिक क्रिकेट संघ गण्डकी प्रदेशका उपाध्यक्ष प्रकाश पौडेलले पछिल्लो समयमा ”तनहुँले क्रिकेटको विकासमा उल्लेख्य काम गरेको” बताएका थिए । साथै ”गत आर्थिक बर्षमा संचालन गरेको स्कुल लिग खेलले राम्रो संदेश दिएको” बताएका थिए । कार्यक्रमका सभापती जिल्ला क्रिकेट संघ तनहुँका अध्यक्ष मदन तिमल्सेनाले बर्षिक प्रतिवेदन, आर्थिक प्रतिवेदन र भावि योजना प्रस्तुत गरेका थिए ।
