प्रधानमन्त्री केपी शर्मा ओलीले राष्ट्रिय सभा सदस्य भगवती न्यौपानेलाई संघीय मामिला तथा सामान्य प्रशासनमन्त्री पदमा नियुक्त गर्नेतयारी गरेका छन् ।
‘सामान्य प्रशासन मन्त्रीमा राष्ट्रिय सभा सदस्य भगवती न्यौपानेलाई नियुक्त गर्ने तयारी भइरहेको छ’, प्रधानमन्त्री ओली निकट स्रोतलेभन्यो, ‘चाँडै नियुक्तीको पत्र राष्ट्रपति कार्यालय पठाइँदै छ ।’
तनहुँकी न्यौपानेको राष्ट्रिय सभा सदस्य पद ६ वर्षे कार्यकाल पुरा गरेर आगामी फागुनमा सकिँदैछ । न्यौपानेले आफूलाई मन्त्री नियुक्तगर्न लागेको अनौपचारिक ढंगले सुनेपनि औपचारिक खबर आइनसकेको बताइन् ।
तपाईंहरुजस्तै शुभचिन्तकहरूले बधाई भनेर फोन गर्नुभएको थियो । मैले के को बधाई भन्दा मन्त्री बन्न लाग्नुभएको छ भन्ने जवाफपाएको छु’, न्यौपानेले भनिन्, ‘प्रधानमन्त्रीको सचिवालयबाट पनि अनौपचारिक रूपमा बधाई आएकाले प्रधानमन्त्रीज्युले विश्वासगर्नुभएर जिम्मेवारी दिन लाग्नुभएछ भन्ने ठानेकी छु ।’
