तनहुँ उद्योग वाणिज्य संघको पहलमा बाढीपीडितका लागि १ लाख ५६ हजार सहयोग
दमौली । भोटेकोशी बाढीबाट प्रभावित नागरिकको राहत तथा उद्धारका लागि तनहुँ उद्योग वाणिज्य संघले रु. १ लाख ५६ हजार १५६ सहयोग गरेको छ।
प्रधानमन्त्री दैवी प्रकोप उद्धार कोषमा जम्मा गर्ने उद्देश्यले संघले उक्त रकम नेपाल उद्योग वाणिज्य महासंघमार्फत प्रदान गरेको हो। संघका अध्यक्ष इमकुमार मल्लले रु. १ लाख ५६ हजार १५६ बराबरको चेक महासंघका केन्द्रीय सदस्य पविन्द्रकुमार श्रेष्ठलाई हस्तान्तरण गर्नुभएको हो।
उक्त सहयोग रकम तनहुँ उद्योग वाणिज्य संघअन्तर्गतका विभिन्न बजार इकाई, महिला उद्यमी विकास समिति तथा संघका पदाधिकारी र सदस्यहरूबाट संकलन गरिएको जनाइएको छ।
सहयोग गर्ने इकाई तथा समितिहरू
- तनहुँ उद्योग वाणिज्य संघ, दमौली बजार इकाई समिति — रु. २५,०००
- आँबुखैरेनी बजार इकाई समिति — रु. २०,०००
- विमलनगर बजार इकाई समिति — रु. १२,३८५
- सत्रसय बजार इकाई समिति — रु. १०,१५६
- बन्दीपुर बजार इकाई समिति — रु. १०,०००
- थर्पु बजार इकाई समिति — रु. १०,०००
- महिला उद्यमी विकास समिति — रु. १०,०००
यसका साथै संघका अध्यक्ष, निवर्तमान अध्यक्ष, पूर्वअध्यक्षहरू, केन्द्रीय सदस्य, पदाधिकारी, आमन्त्रित सदस्य तथा मनोनीत सदस्यहरूमार्फत समेत रकम संकलन गरिएको संघले जनाएको छ।
विपद्को समयमा प्रभावित नागरिकको राहत तथा उद्धारमा सहयोग पुगोस् भन्ने उद्देश्यले संघले सामाजिक उत्तरदायित्वअन्तर्गत सहयोग गरेको हो। तनहुँ उद्योग वाणिज्य संघको यो पहलले विपद्मा परेका नागरिकलाई सहयोग गर्न निजी क्षेत्रको भूमिका र सामाजिक जिम्मेवारीलाई थप उजागर गरेको छ।
