काठमाडौं । भारतको उत्तरी राज्य बिहार मंगलबारदेखि लकडाउन घोषणा गरिएको छ । कोरोना भाईरसको संक्रमण तीव्र रुपमा बढेपछि बिहारका मुख्यमन्त्री नितिश कुमारले जेठ १ गतेसम्मका लागि लकडाउन घोषणा गर्नुभएको हो ।
मुख्यमन्त्री नितिश कुमारले सामाजिक सञ्जाल ट्वीटरमार्फत मन्त्रीहरु र सरकारी अधिकारीसँगको छलफलपछि यो निर्णय लिइएको जानकारी दिनुभएको छ ।
बिहारमा सोमबार कोरोनाका ११ हजार ४ सय ७ नयाँ संक्रमित भेटिएको थियो भने ८२ जना संक्रमितको मृत्यु भएको थियो । बिहारको राजधानी पटनामा मात्र सोमबार २४ जनको मृत्यु भएको थियो ।
यसअघि पटनाको उच्च अदालतले बिहारमा कोरोना संक्रमण उच्च देखिन थालेको भन्दै सरकारलाई लकडाउन घोषणा गर्न निर्देशन दिएको थियो ।
(एजेन्सी)
