तनहूँ । सर्वोच्च अदालतले नेकपा एमाले ब्यूँताइदिएपछि तनहूँको दमौलीमा रहेको दमौलीको पार्टी कार्यालयमा नेकपा एमालेको बोर्ड राखिएको छ । नेपाल कम्युनिष्ट पार्टी (नेकपा) को बोर्ड हटाएर एमालेको बोर्ड राखिएको हो ।
केन्द्रीय पार्टी कार्यालय धुम्बाराहीबाट देशभरको पार्टी कार्यालयहरुमा एमालेको बोर्ड राख्न निर्देशन दिइएको थियो त्यसै अनुरुप बोर्ड फेरिएको उक्त अवसरमा सहभागी एक कार्यकर्ताको भनाई रहेको थियो । आइतबार सर्वोच्च अदालतले नेपाल कम्युनिष्ट पार्टी (नेकपा) ऋषिराम कट्टेललाई दिदै एमाले र माओवादी केन्द्र ब्यूँताइदिएको थियो । यसलगत्तै देशका विभिन्न जिल्लामा एमालेको बोर्ड राख्न थालिएको थियो ।
